અમદાવાદમાં અનશન પર ઉતરેલી સાધનાની તબિયત લથડી

અમદાવાદમાં આનંદનગર વિસ્તારમાં પુષ્પમ કોમ્પલેક્સમાં ભાડે આપેલી દુકાન તબીબોએ પચાવી પાડતાં દલીત અને વિધવા મહિલા જંગે ચડી છે. પાંચ-છ દિવસથી અચોક્કસ મુદ્દતની ભૂખ હડતાળ પર ઉતરેલી મહિલાએ દુકાન પરત આપવાની માગણી કરી છે. ભૂખ હડતાળને કારણે તેની તબિયત આજે ખૂબ બગડી ગઈ છે. જેની જાણ થતાં 108 ઘટના સ્થળે આવી પહોંચી છે. જોકે, મહિલાએ કોઈ પણ સારવાર લેવાની કે ભૂખ હડતાળ પાછી ખેંચવાનો ઇનકાર કરી દીધો છે. બીજી તરફ આ અંગે પ્રેસર વધતાં અત્યારે પોલીસ ઘટના સ્થળે પહોંચી ગઈ છે.