શાનદાર ઈનિંગ્સની યાદગાર તસવીરો : સચિને મુંબઈને જીતાડ્યું

માસ્ટર બ્લાસ્ટર સચિન તેંડુલકરે અંતિમ રણજી મેચમાં પોતાની ટીમને શાનદાર જીત અપાવી. હરિયાણા વિરૂદ્ધ રોહતકના બંસીલાલ ક્રિકેટ સ્ટેડિયમમાં રમાયેલી મેચમાં મુંબઈએ હરિયાણાને 4 વિકેટે પરાજય આપ્યો. જેમાં સચિને શાનદાર અણનમ 79 રનની મેચ વિનિંગ ઈનિંગ્સ રમી હતી.

 

હરિયાણાએ મુંબઈ ટીમ સામે 240 રનનો લક્ષ્યાંક મૂક્યો હતો. મુશ્કેલ પિચ પર પોતાના અનુભવનો ઉપયોગ કરતા સચિને ટીમને વિજય અપાવ્યો હતો. પ્રથમ દાવમાં ફક્ત 5 રનમાં પેવેલિયન ભેગો થઈ જનારા સચિને બીજા દાવમાં મેચ વિનિંગ ઈનિંગ્સ રમી. આ સાથે તેણે દેખાડી દીધું કે હજી તેના બેટમાં ઘણા રન બાકી છે.

 

મુંબઈ ટીમ માટે આ ઘણી ભાવુક જીત છે. એક બાજુ ટીમને ચેમ્પિયન સચિનની વિદાયનું દુ:ખ છે તો બીજી બાજુ તેની અંતિમ મેચની અંતિમ ઈનિંગ્સમાં અણનમ અડધી સદી ફટકારવાની ખુશી છે.

 

આગળ ક્લિક કરો અને તસવીરોમાં જુઓ, સચિનની શાનદાર ઈનિંગ્સની યાદગાર ક્ષણો.....