પાકિસ્તાનઃ ગેંગરેપ બાદ સગીરાને જીવતી દાટી દીધી

પાકિસ્તાનના પંજાબ પ્રાંતમાં એક સગીરા પર હેવાનિયતની તમામ હદ વટાવી દેતો કિસ્સો સામે આવ્યો છે. લાહૌરથી 225 કિ.મીના અંતરે આવેલા તોબા ટેક સિંહ જિલ્લાના સિદ્દકી મુઘલની 13 વર્ષીય સગીર પુત્રી પર અજાણ્યા શખ્સોએ ગેંગરેપ કર્યો હતો. નરાધમોએ પીડિતાને પીંખી નાખ્યા બાદ તેને મૃત સમજીને જમીનમાં દાટી દીધી હતી. જો કે પાછળથી આ પીડિતા જીવીત હોવાનું જણાયું હતું.

સૂત્રો પાસેથી પ્રાપ્ત માહિતી મુજબ સગીરા કુરાન પઢવા જઈ રહી હતી તે જ સમયે અજાણ્યા બે શખ્સોએ તેને રસ્તામાં કિડનેપ કરી લીધી હતી. પોલીસના જણાવ્યા મુજબ યુવતીને કિચડમાં દફન કરવામાં આવી હતી પરંતુ એકાએક તેને હોંશ આવી જતા તેણે મદદ માટે બૂમો પાડી હતી. આસપાસમાંથી પસાર થઈ રહેલા એક રાહદારીએ તેને બહાર કાઢી અને તરૂણીના પરિવારજનોને સૂચના આપી હતી.