માસૂમની કોહવાયેલી લાશ મળીઃ પિતા બેભાનઃ પરિવાર ચડ્યો હિબકે

સુરતના રાંદેર રોડ હિ‌દાયત નગરના એક બાળકનું તેના સગા ફુવાએ બે દિવસ પહેલા અપહરણ કરીને તેને તાપી નદીમાં ફેંકી દીધો હતો. પોલીસ ફરિયાદ બાદ પોલીસે ફુવાની ધરપકડ કરીને તપાસ હાથ ધરી હતી. જો કે બે દિવસ વિતી જવા છતાં અપહ્યત બાળકનો મૃતદેહ તાપી નદીમાંથી મળી આવ્યો નહોતો. જેથી ફાયરબ્રિગેડને ભારે હાલાકીનો સામનો કરવો પડી રહ્યો હતો. ત્યારે આજે બપોરના સુમારે વેલેન્ટાઈન પાછળ તાપી નદીમાંથી હર્ષિતનો મૃતદેહ મળી આવ્યો હતો. હર્ષિતના શરિરમાં પાણી વધુ પહોંચી જતાં શરીર કોહવાયેલી હાલતમાં મળ્યું હતું.આ દ્રશ્ય જોઈને હર્ષિતના પિતા બેભાન થઈ જતાં તેમને સારવાર માટે હોસ્પિટલમાં ખસેડવામાં આવ્યાં હતાં.